Жил ирэх бүр хөгжиж, хувьсан өөрчлөгдөж буй гар утасны загвар ирээдүйд ямар болох бол? Алганд багтахуйц жижигхэн энгэртээ ч юм уу хувцастаа зүүж явдаг, хиймэл оюун ухаанд суурилсан шинэ загварыг ирээдэйн гар утасны загвар гэж үзэж байна. “AI pin” нэртэй уг загварыг Apple-ийн хуучин удирдлагуудын үүсгэн байгуулсан “Humane компани хөгжүүлж буй бөгөөд саяхан Coperni брэндийн загварын шоун дээр загвар өмсөгч нар энгэртээ зүүж алхаж олонд танилцууллаа.
Уг төхөөрөмж дэлгэцгүй, бие даасан, хиймэл оюун ухаанд суурилсан програм хангамжийн платформ гэж бүтээгчид нь тодорхойлж байгаа. Энэ нь “дэвшилтэт” Qualcomm Snapdragon платформоор тоноглогдсон бөгөөд ухаалаг гар утасны дэлгэцийг орлох мини проектор, камер, чанга яригчтай. Өөрөөр хэлбэл дуудлага ирэхэд проектороор гартаа ч юм уу тусгаж хараад дуут командаар дуудлагаа авах , таслах боломжтой гэсэн үг.
Ирэх сарын 9-нд уг төхөөрөмжийг танилцуулж нээлтээ хийх юм байна.
