“МЕС” байгууллагаас сар бүр судалгаа авч гаргадаг Улс төрийн барометр 9-р сарын байдлаар гарчээ. Судалгааг Улаанбаатар хотод оршин суудаг сонгуулийн насны 1008 иргэнээс санамсаргүй байдлаар энэ сарын 08-13-ны өдрүүдэд хийжээ. Судалгаанд нэгэн сонирхолтой санал асуулгыг явуулсан бөгөөд “Улс төрчдийн сөрөг рэйтинг” буюу “Намын жагсаалтад хэн хэн гэсэн гурван улс төрч орвол та МАН/АН-ыг яагаад сонгохгүй вэ?” гэсэн асуултад санал асуулга явуулжээ.
Уг асуултад санал асуулгад оролцогчид МАН-аас Сү.Батболд, С.Баяр, Д.Сумъяабазар нарыг жагсаалтад бичвэл МАН-ыг дэмжихгүй гэсэн байх юм. АН-аас С.Баярцогт, С.Эрдэнэ, Ц.Элбэгдорж нарыг намын жагсаалтад бичвэл АН-ыг дэмжихгүй гэж санаа бодлоо илэрхийлжээ. Энэ нэрс дотор АН-ын дарга Лу.Гантөмөрийн нэр ч багтсан байгаа нь хачирхалтай. Сонгуулийн мэдээллийг Улаанбаатарт амьдардаг сонгуулийн насны 1008 хүнээс түүврийн аргаар утсаар цуглуулснаа MEC судалгааны байгууллага дурдсан байв.
