УИХ-ын гишүүн асан Н.Номтойбаярыг “Иргэний зориг ногоон намыг худалдан авсан” хэмээн цахим орчинд мэдээлэл гараад буй. Тэгвэл тэрбээр цахим хуудаснаа “Гадаадад сурч байгаа. Ядруу улс төрөөс түр хол байгаа” хэмээн жиргэлээ.
Тэрбээр твиттер хуудастаа “Утга, үнэ нь алдагдсан ядруу улс төрөөс түр хол байгаа шүү. Харин улсад маань түгжил болсон олон асуудлуудыг Оксфордод авчраад шийдэл эрэлхийлээд суралцаж байна. Үр дүн нь эерэг гарваас хожим энд эргэн ирж багшлаад, өчүүхэн ч гэсэн монгол лэжиси үлдээчих ухааны юм мөрөөдөж сууна” хэмээн бичжээ. 
