Геннисийн номонд багтсан дэлхийн хамгийн үнэтэй зайрмаг

Японоор “Цагаан шөнө” гэж нэрлэгддэг хөлдөөсөн энэхүү амттан нь одоогоор 880,000 иен буюу 6,380 доллараар үнэлэгдэж, дэлхийн хамгийн үнэтэй зайрмаг гэж албан ёсоор Гиннесийн номонд бичигджээ. Японы “Cellato” брэндийн уг зайрмагны найрлагад орсон цагаан трюфель нь  нэг кг нь хоёр сая иен буюу 14,500 ам.долларын үнэтэй ажээ.  Зайрмагны дээд талыг идэж болдог алтлаг үртсээр чимэглэдэг  ба хоёр төрлийн бяслаг болон “Сакекасу” буюу саке хийх явцад гаргаж авдаг тусгай зуурмаг найрлагад нь ордог байна. 

Гиннесийн дээд амжилтын номонд тус компанийн төлөөлөгчийн хэслнээр уг зайрмагийг гаргаж хүссэн  амтаа олохын тулд  1.5 гаруй жил зарцуулж, маш их сорилт, алдаа оноог гаргасан гэнэ. Тус компанийн эрхэм зорилго бол үнэтэй амттан хийх биш харин Европын орц найрлага Японы уламжлалт хоолыг хослуулсан хоолны шинэ адал явдлыг бий болгох гэж тэд  онцлов.

Дэлхийн  хамгийн үнэтэй зайрмагийг саке эсвэл франц цагаан дарстай хамт идэхийг бүтээгчид нь зөвлөсөн юм.