Хан-Уул дүүргийн 22 дугаар хороо Зайсангийн гүүрний өргөтгөл, шинэчлэлийн ажлын хүрээнд шинэ гүүрний суурь, шон тулгуур, дамнуурга зэрэг ажлууд дууссан. Шинэ гүүр нь гурван багц 36 тросстой, ган татлагат төмөр бетон гүүр байх юм.
Доошоо 20 метрийн гүн өрөмдлөгтэй, нэг тулгуурын доор зургаан шонтой, 5.5 метр өндөр тулгууртайгаар гүүрийн барилга угсралтын ажил үргэлжилж байна. Шинэ гүүр ашиглалтад орсноор Зайсан орчмын замын хөдөлгөөний ачаалал 20 хувиар буурна.
