Боловсролын зээлийн сангаас олгосон санхүүжилттэй холбоотой мэдээллийг Боловсрол шинжлэх ухааны сайд Л.Энх-Амгалан өглөө.
Түүний хэлснээр “Боловсролын зээлийн сангаас өнөөдрийг хүртэл олгогдсон зээл тэтгэлгүүд, чөлөөлөгдсөн хүмүүсийн талаар ойлголтын зөрүүгээс үүдэлтэй мэдээлэл явж байгаа тул мэдээлэл өгч байгаа аж. Мөн зээл авсан ч төлөөгүй, гэрээний үүргээ биелүүлээгүй, эрж хайж байгаа 230 оюутны нэрсийн жагсаалт бэлэн болсон гэж мэдэгдлээ. Монголын татвар төлөгчдийн 27 тэрбум төгрөг мөнгийг эрсдэлд оруулж байгаа 230 хүний нэрс бэлэн болсон” гэж сайд онцолж хэлсэн юм.
Боловсролын зээлийн сан 1997 оноос хойш ажиллаж эхэлжээ. Ингэхдээ
- Давхардсан тоогоор 1.2 сая суралцагч буцалтгүй тусламж, тэтгэлэг авсан.
- 1 их наяд 638 тэрбум төгрөг энэ зориулалтаар зарцуулагдсан.Дотоодын оюутнуудад олгосон хөнгөлөлттэй зээлийг 169,641 оюутан авсан. 40 тэрбум төгрөг зарцуулагдсан.
- Оюутны хөгжлийн зээлийг 53,592 суралцагч авсан. 78 тэрбум төгрөгийн зээл олгосон байна.
Оюутны зээлээс олгогдсон нэг их наяд төгрөгийн зээлийн 761 тэрбум төгрөг нь буюу 76% нь дотоодын зээлд зарцуулагдсан. Өнөөдрийн байдлаар өндөр хөгжилтэй оронд сурсан магистр докторантурын тоо 1,867 байна.
