Г.Занданшатарын хүүхдүүд зээлээ хугацаанд нь бүрэн төлж барагдуулжээ

“1997 оноос хойш Боловсролын зээлийн сангаас зээл авч гадаадад суралцсан ч зээлээ төлөлгүй алга болсон 230 хүн байна. Тийм учраас эдгээр хүмүүсийг хууль хяналтын байгууллагад шилжүүлэх ажил эхэлжээ. УИХ-ын дарга Г.Занданшатарын хоёр хүүхэд зээл авсан ч төлөөгүй хүмүүс дунд байгаа эсэх талаар Боловсролын зээлийн сангийн ажлын албаны дарга Д.Гардиас лавлахад “УИХ-ын дарга Г.Занданшатарын хүү З.Алтангэрэл АНУ-ын Калифорнийн их сургуулийг олон улсын эдийн засагч мэргэжлээр дөрвөн жил суралцахдаа 93 мянган ам.долларын зээл авсан. Харин охин З.Должинсүрэн АНУ-ын Калифорнийн их сургуулийг сэтгэл судлалын мэргэжлээр дөрвөн жил сурахдаа 13 мянган ам.долларын зээл авсан. Тэд зээлийн гэрээний дагуу тухайн үедээ өөрсдөө төлбөрөө төлж барагдуулсан” гэлээ.