Зайсангийн гүүрийг шинэчлэх, дэргэд нь шинээр гүүр барьж хос болгох ажлыг энэ онд хийхээр төлөвлөжээ. Одоогоор гүүрийн ажлын бэлтгэлийг хангаж буй бөгөөд шинэ гүүр нь гурван багц 36 тросстой, ган татлагат төмөр бетон гүүр байна. Доошоо 20 метрийн гүн өрөмдлөгтэй, нэг тулгуурын доор зургаан шонтой, 5.5 метр өндөр тулгууртай. Шинэ гүүрээр зорчих хэсэг нээгдсэний дараа хуучин гүүрийг 100 хувь буулгаж, байран дээр нь буюу нөгөө гүүрнээсээ зургаан метрийн зайд шинэ гүүр барих юм байна.
Ингэснээр Зайсанд 4 эгнээ бүхий хоёр гүүртэй болох юм.
