Пенсильвани мужид 30 гаруй жилийн өмнө сураггүй алга болсон эмэгтэйг Пуэрто Рико дахь асрамжийн газарт амьдарч байсныг олжээ. Түүнийг ар гэрийнхэн болон цагдаа нар нас барсан гэж таамаглаж байв.
Өдгөө 83 настай Патрисия Копта хамгийн сүүлд 1992 оны зун Питтсбургт харагдаад үүнээс хойш сураг нь гараагүй байна. Тэрээр сэтгэцийн хувьд эрүүл бус бөгөөд гэрээсээ үе үе явчихдаг байсан, сүүлд гэрээсээ явснаас хойш хэдэн сар өнгөрсөн тул цагдаад хандсэн гэж Нөхөр Боб хэвлэлийн хурлын үеэр ярьжээ.
Пуэрто Рикогийн нийгмийн ажилтан интерпол дахь мэдээллээс хараад Патрисияг Пуэрто Рико дахь насанд хүрэгчдийн асрамжийн газарт амьдарч байж болзошгүй гэсэн мэдээллийг Пенсильванийн цагдаа нар өгсөн байна. Ингээд Патрисиягийн дүүгийн ДНК-г харьцуулж шинжилснээр түүнийг энэ олон жилийн дараа олсон аж.
Пуэрто Рикогийн нийгмийн ажилтны хэлснээр эмэгтэйг гудамжинд тэнэж явахад нь асрамжид авчирсан бөгөөд өөрийн хувийн амьдрал, хаанаас ирсэн зэргээ огт хэлдэггүй байжээ. Тэрээр гудамжны номлогч байсан, энд ирэхээсээ өмнө дэлхий удахгүй сөнөнө, гэгээн Мария ирж байгаа гэх мэтээр хүмүүст хэлж явдаг байсан гэж нийгмийн ажилтны тэмдэглэлд нь бичжээ.
Патрисия Пуэрто Рико хотод их дуртай, очно гэж ярьдаг байсан. Алга болсноос нь хойш тус хотод очиж зурагт хуудас нааж үзсэн ч тус болоогүй гэж нөхөр нь ярьсан байна. Тэд бүсгүйг алга болохоос өмнө 20 жил хамт амьдарчээ.
