Хятад улс гэрлээгүй бүсгүйчүүдээ өндгөн эсээ хадгалахыг зөвшөөрөх нь ээ. Хятадад гэрлээгүй эмэгтэйчүүдэд үр тогтоох эмчилгээ, IVF, өндгөн эсээ хөлдөөх зэрэг эмчилгээг хориглодог байсан юм.
Тус улсын хүн ам өнгөрсөн жилийн статистикаар сүүлийн 60 жилд анх удаа буурсан үзүүлэлттэй гарсан. Иймээс БНХАУ-ын төрийн зөвлөх байгууллагын гишүүн Лу Вэйин Хятадад төрөлт буурч байгаа тул гэрлээгүй эмэгтэйчүүдэд өндгөн эсээ хөлдөөх боломжийг олгоно гээд ганц бие эмэгтэйчүүдийг өндгөн эсээ хөлдөөж хадгалахыг уриалав.
Мөн ирэх 3-р сарын 4-нд эхлэх Хятадын Ардын Улс төрийн зөвлөлдөх бага хурлын үеэр үргүйдлийн эмчилгээг олон нийтийн эрүүл мэндийн даатгалын тогтолцоонд оруулахыг санал болгохоор төлөвлөж байгаа ажээ.
Хөлдөөсөн өндгөн эсээ тухайн эмэгтэй заавал гэрлэсэн үедээ ашиглахыг зөвшөөрөх юм байна.
