Португалийн санваартнууд 70 жилийн хугацаанд 4000 гаруй хүүхдийг хүчирхийлснийг илрүүллээ

Францад 3000 орчим санваартан, шашны албан тушаалтнууд 200,000 гаруй хүүхдийг бэлгийн хүчирхийлэлд оруулсан хэрэг өмнө нь гарч шуугиан болж байсан.  Тэгвэл энэ хэргийн дараа буюу 2022 оны нэгдүгээр сараас Португалийн комисс энэ талаар судалгаа явуулж ажиллаж эхэлсэн юм. Комиссын дүгнэлт энэ даваа гарагт гарсан  бөгөөд маш аймшигтай тоо тайланд бичигджээ. Тодруулбал, Португалийн Католик сүмийн гишүүн, шүтлэгтэн 4,815 хүүхэд бэлгийн хүчирхийлэлд өртсөн гэсэн  аймшигтай тоог Португалийн судалгааны  комисс  мэдээллээ. Энэ нь сүүлийн 70 жилийн хугацаанд бэлгийн хүчирхийлэлд өртсөн хүүхдийн тоо бөгөөд мөсөн уулын зөвхөн  оройн гэж уг асуудлыг судалж буй комиссын тайланд дурджээ.   

Тус комиссыг тэргүүлсэн хүүхдийн сэтгэцийн эмч Педро Стрехт “Бага насандаа хүчирхийлэлд өртсөн, энэ бүх аймшигт үнэнээ дэлгэж зүрхэлсэн бүх хүнд  хүндэтгэлээ илэрхийлээд бодит хохирогчдын тоо статистикаас хамаагүй илүү  байгаа гэв. Тэрээр  4,815 тохиолдол нь 1950 оноос хойш Португалийн шашны гишүүдийн бэлгийн хүчирхийлэлд өртсөн хүүхдүүдийн “үнэмлэхүй” хамгийн бага тоо юм. Гэмт этгээдүүдийн дийлэнх нь (77%) санваартнууд байсан бөгөөд хохирогчдын ихэнх нь эрчүүд байсан гээд тэднийг католик шашны сургууль, сүм хийд, санваартнуудын гэр, бусад газарт хүчирхийлэлд өртсөн гэж нэмж хэлэв. Бэлгийн хүчирхийллийн хохирогчдын дийлэнх нь 10-14 насны хүүхдүүд байсан бөгөөд хамгийн бага хохирогч нь хоёрхон настай байжээ.

Бишопуудын/ сүмийн хамба нар/ бага хурлын тэргүүн Хосе Орнелас эцсийн тайлангийн танилцуулгад оролцсон энэ талаар дараагийн даваа гарагт хариу өгөх болно гэжээ.

 Хүчирхийлэлд өртсөн хэргийн талаар мэдээллүүдийг Португалийн бүх бүс нутгаас гаралтай хүмүүсээс гадна Европ, Африк, Америк тивийн бусад оронд амьдардаг Португалийн иргэдээс комиссынхонд ирүүлжээ.

Комисс 500 гаруй хохирогчтой ярилцаж, сүмийн түүхэн баримт бичгүүдэд дүн шинжилгээ хийж, бишопууд болон бусад шашны гишүүдтэй ярилцлага хийсэн байна. Комиссын сонссон мэдүүлгүүдийн 25 нь 20 гаруй жилийн өмнө үйлдсэн, шүүх ажиллагаа явуулах боломжгүй байсан тул мөрдөн байцаалтад улсын прокурорын байгууллагад шилжүүлжээ.

Мөн тус хорооноос 30 жилийн өмнө үйлдэгдсэн гэмт хэрэгт эрүүгийн хэрэг үүсгэн шалгахын тулд хуулийг өөрчлөх шаардлагатай гэж үзэж байгаа юм байна.