Дээд шүүх Лу.Гантөмөрийг АН-ын даргаар бүртгэжээ

АН-ын шинэ даргыг бүртгүүлэх хоёр хүсэлт Улсын дээд шүүхэд очсон. Эхнийх нь Лу.Гантөмөрийг даргаар сонгосон хурлын бичиг баримт. Удаах нь С.Эрдэнийн зохион байгуулсан, УИХ-ын гишүүн Д.Ганбатыг АН-ын даргаар сонгосон тухай бичиг. Энэ хоёр хүсэлтээс Улсын дээд шүүх Лу.Гантөмөрийг даргаар сонгосон хурлыг хүчинтэйд тооцож, бүртгэж авах шийдвэр гаргажээ. Олон жил үргэлжилж байгаа АН-ын тамганы төлөөх маргаанд Улсын дээд шүүхийн энэ шийдвэр цэг тавих уу, эсвэл улам сэдрээх үү гэдэг нь асуулт болон үлдлээ.