Авлигатай тэмцэх газраас нүүрсний гэх тодотголтой 36 хэргийг мөрдөн шалгаж байгаа тухай мэдээлсэн билээ. Эх сурвалжийн мэдээлснээр, АТГ-аас УИХ-ын гишүүн, ХНХ-ын сайд Т.Аюурсайхан, УИХ-ын гишүүн Д.Бат-Эрдэнэ нарыг яллагдагчаар татах саналыг прокурорын байгууллагад хүргүүлсэн байна.
УИХ-ын гишүүдээс А.Адъяасүрэнд нүүрсний хэргийн асуудлаар эрүүгийн хэрэг үүсгэж, яллагдагчаар татах тогтоол Нийслэлийн прокурорын газраас гаргаад байгаа бол Ж.Мөнхбат гишүүнээсээ чөлөөлөгдөх хүсэлтээ гаргаж, хуулийн байгууллага шалгах шаардлагатай бол бэлэн гэдгээ мэдэгдээд байгаа юм.
УИХ-ын гишүүн Ж.Мөнхбат, Ш.Раднаасэд нарыг яллагдагчаар татах тогтоолыг прокуророос гаргаад байгаа. Хөгжлийн банк, нүүрсний хэрэг гээд нэмбэл УИХ-ын 20 шахам гишүүн гэмт хэрэгт сэжиглэгдэн шалгагдаж байна.
