Өнгөрсөн онд 65090 эх амаржиж, 67874 хүүхэд шинээр төрсөн гэж Үндэсний статистикийн хорооны мэдээлэлд дурджээ. Өмнөх онтой харьцуулахад амаржсан эхийн тоо 8.5, төрсөн хүүхдийн тоо 8.1 хувиар буурсан үзүүлэлт юм. 1000 хүнд ногдох төрөлт Улаанбаатар хот болон Баян-Өлгий, Увс, Орхон, Говьсүмбэр аймагт улсын дунджаас 0.1-4.5 нэгж хувиар дээгүүр, бусад аймагт 0.1-11.1 нэгж хувиар доогуур
байна.
Хүн амын дунд төрөлт эрчимтэй өсөж байснаа ингэж буурсан нь цар тахал болон эдийн засгийн уналттай холбоотой гэж мэргэжилтнүүд үзэж байна. Өрхийн орлого буурч, амьжиргаа муудахад төрөлт багасдаг зүй тогтол байдаг. Цар тахлаас үүдсэн эдийн засгийн хүндрэл, үнийн өсөлт үэрэг нь төрөлт буурахад ийн нөлөөлжээ. Хүн амаа өсгөх бодлого барьж байгаа манай улсын хувьд төрөлт буурна гэдэг хамгийн таагүй мэдээ юм.
