Энэ оын “Fashion Awards” наадам даваа гарагийн үдэш болж загварын салбарынхан нэг дор цугласан. Энэ наадмаас загвар өмсөгч Белла Хадид оны шилдэг загвар өмсөгчөөр шалгарсан байна.
Өнгөрсөн намар болсон Парисын загварын долоо хоногт Белла Хадид “Коперни” брэндтэй хамтран ажиллаж тайзнаа нүцгэн биен дээрээ шингэн шүршүүлж богино хугацаанд өвөрмөц даашинз бүтээсэн нь олныг шуугиулсан. Белла Хадид эрүүл мэндийн шалтгаанаар өөрийн биеэр шагналаа гардаж чадаагүй бөгөөд бие төлөөлөгч нь шагналыг нь гарджээ. Тэрээр видео мессеждээ өөрийн төлөөлөгч Луиз Матос, ээж Йоланда Хадид, мөн салбарынхандаа талархал илэрхийлээд “Та нар бүгд, миний гэр бүл намайг хэн байж болохыг харуулж, миний хийж чадах зүйлд нүдийг минь нээж өгсөн хүмүүс” гэж талархалаа илэрхийлжээ.
