Хавар, намрын улиралд эрэгтэй, эмэгтэй бүх л хүмүүсийн хамгийн их өмсөх дуртай хувцас бол цув юм. Тэгвэл хэзээд моданаас гардаггүй, классик хувцас болох цувны түүхтэй танилцая.
Бид бүхний сайн мэдэх “Burberry” брэнд нь одоогоос 100 гаруй жилийн өмнө буюу 1912 онд хамгийн анхны ус нэвтэрдэггүй цувыг зохион бүтээж байжээ. Анхны цув габердин буюу хатуу сүлжмэл материалаар урласан байв.
“Burberry” нь дайны үед цэргүүдэд зориулсан хувцас хэрэглэлийг хангадаг Британийн цэргийн албан ёсны хувцас бүтээгч байв.
Иймээс Дэлхийн Нэгдүгээр дайны үед англи цэргүүд Burberry брэндийн цувыг хамгийн их өмссөн бөгөөд хөнгөн биед эвтэйхэн зэргээрээ цэргийн хувцасны шаардлагад нийцэж байсан аж.
Цэргүүдийн цэргийн техник, зэвсэг авч явах зэрэгт зориулж загвартаа бууны хавтас, салхины шил зэрэг нэмэлт нарийн ширийн зүйлийг нэмж оруулж байжээ.
Тэр үеэс хойш маш олон брэндүүд борооны цувыг төрөл бүрийн загвар материалаар хийдэг болсон бөгөөд зөвхөн борооны үед гэхээс илүү хөнгөн, дулаан загварлаг байдлаараа сэрүүн улирлын голлох гангараа болон өнөөг хүржээ.