Жүжигчин Женнифер Энистон үр шилжүүлэн суулгах ажиллагааг маш олон хийлгэж байсан ч амжилт олоогүй гэдгээ “Allure magazine” сэтгүүлийн сурвалжлагчтай ярилцах үеэрээ ам нээжээ. Тэрээр, 30-40 насны хооронд хүүхэдтэй болохоор олон оролдлогуудыг хийсэн ч бүтэлтэй болоогүй, сэтгэл санааны хувьд байсан тэр цаг үедээ одоо би харамсдаггүй. Тэр хүнд цаг үе л одоогийн намайг бий болгосон, одоо бол би маш тайван сайхан байна гэж ярьжээ. Одоо л яг бүтэмжтэй болох байх гэж найдан олон удаа ажилбар хийлгэж, хятад цай ууж өөрийгөө зовоож явахаа би больж тэр тухай бодохоо больсон. Өнөөдөр амьдрал үргэлжилдэгээрээ л үргэлжилж байна хэмээн жүжигчин бүсгүй сэтгэлээ уудласан байна.
Түүнийг нөхөр Жастин Тероуксаас 2018 онд салсаны дараа хосыг хүүхэдтэй болж чадаагүйгээс хоёр тийш боллоо гэх яриа гарч байв. Энэ яриаг бүсгүй эрс няцааж салалт өөр шалтгаантай байсан гэжээ. Дахин гэрлэх бодол байгаа эсэх сэтгүүлчийн асуултад, хэзээ ч үгүй гэж хэзээ ч битгий хэл гэдэг биз дээ, гэхдээ надад тийм сонирхол одоо бол алга. Ирээйдүйд юу болохыг хэлж мэдэхгүй гэж хариулжээ.
