Энэтхэгт гүүр нурснаас болж 120 хүн амиа алдсан харамсалтай хэрэг гарчээ. Гүүр 19-р зуунд баригдсан бөгөөд 230 метрийн урттай байв. Гүүрийг сэргээн засварласны дараа ашиглалтад оруулаад хэдхэн хонож байсан ба гүүрэн дээр осол гарах үед 400 орчим хүн байжээ. Гүүр нурж эхэлмэгц олноороо усанд унасан бөгөөд сэлж чадах нь эрэг рүү гарч чадсан ч ийнхүү олон хүн усанд живж амиа алджээ. Амиа алдсан хүний тоо нэмэгдэж болзошгүй байгаа юм. Учир нь аврах ажиллагаа үргэлжилж байгаа аж.
Энэтхэгийн Ерөнхий сайд Нарендра Моди болсон явдалд гүнээ харамсаж байгаагаа илэрхийлээд осолд өртөгсдөд нөхөн олговор олгоно гэв.
