Томуугийн вакциныг улсын хэмжээнд хийж эхлээд тодорхой хугацаа өнгөрөөд байна. Уг вакциныг 1-5 насныхан, жирэмсэн эх, 65-аас дээш насны эрсдэлт бүлгийнхэнд сайн дурын үндсэн дээр хийх бөгөөд одоогийн байдлаар 2500 гаруй хүүхдийг вакцинжуулжээ. Энэ оны хувьд 1-5 насны 210 мянган хүүхдийг цэцэрлэг болон өрх, дүүргийн эмнэлгээр дамжуулан вакцинжуулахаар төлөвлөсөн байна.
Вакцинд хамрагдахын тулд юу анхаарах вэ?
- Тухайн хүүхэд нэг сарын хугацаанд ямар нэгэн вакцин хийлгээгүй
- Халуураагүй
- Ханиадгүй
- Долоо хоногийн хугацаанд антибиоток уугаагүй байх ёстой.
Харин вакцин хийлгэсний дараа гурав хоногт гам маш сайн барьж дааруулахгүй, хүйтэн зүйл уулгахгүй, тариулсан хэсэгт бохир гар хүргэх, дарж унтах зэргээр даралт өгөхгүй байх смтой ажээ.
Мөн өмнө нь ковид хүнд туссан бол вакцин хийлгэх нь ханиад томуу хүндрэхгүй хөнгөн тусахад нөлөөлнө гэж мэргэжжилтнүүд зөвлөж байна.
