ОХУ, Украйны хэд хэдэн хот руу камиказе дрон буюу нисгэгчгүй байгаа оноод өөрөө дэлбэрдэг дроноор довтолсон. Украйны тал Иран улсыг камиказе дроноор Оросыг хангаж байгаа гэж үзэж буйгаа илэрхийлсэн ч Иран үгүйсгээд байсан юм. Тэгвэл Ираны камиказе дроны мэргэжилтнүүд Крымд ажиллаж байгааг илрүүлсэн гэж Цагаан ордон мэдээллээ.
Цагаан ордны үндэсний аюулгүй байдлын төлөөлөгч Жон Кирби сэтгүүлчдэд хэлэхдээ “Ираны цэргийн албан хаагчид Крымд ажиллаж, Орост эдгээр ажиллагаанд тусалсан гэж бид дүгнэж байна. Техникийн туслах ажилчид, сургагч багш нараас бүрдсэн маш цөөн тооны хүн Крымд байгаа ” гэжээ. Украйны тал даваа гарагт тус улсад ашигласан камиказе дроныг Ираны “Шахед-136” загвар гэж үзэж байгаа юм. 
