“Чингис хаан” хаад язгууртны музейгээр үйлчлүүлэх үнийн тарифт багахан өөрчлөлт оржээ.
2022 оны 10 дугаар сарын 17-ны өдрөөс эхлэн тус музейг хүүхэд буюу /0-16 нас / үнэгүй, харин ахлах анги буюу 17-18 насныхан 15000 төгрөгөөр үзэхээр болов.
Мөн оюутан болон ахмад настан 15000 төгрөгөөр үйлчлүүлэх юм байна.
Өмнө нь тус музейг хүүхэд, ахмад настан үнэгүй, оюутан 25 мянган төгрөгөөр үзэж байсан юм.
Мөн Чингис хаан музей нь үзэгчдийн насны онцлогт тохирсон боловсролын хөтөлбөрүүд тогтмол явуулж байгаа ажээ. Тухайлбал, XIII-XIV зууны өрөмтэй ваарыг үзэж танилцсан багачууд бодит үзмэрт тулгуурласан бяцхан ваарыг өөрийн гараар урлаж будах зэрэг хөтөлбөр боловсруулсан байна.
