Г.Ануужин хүндийн өргөлтийн Азийн аваргаас хүрэл медаль хүртлээ

Хүндийн өргөлтийн Ази тивийн аварга шалгаруулах тэмцээн Бахрейн улсын Манама хотод болж буй. Тус тэмцээнд манай улсаас дөрвөн тамирчин өрсөлдөж байгаа юм.  71 кг-ын жинд эх орноо төлөөлөн оролцсон Үндэсний шигшээ багийн тамирчин Г.Ануужин огцом өргөлтөөр 99 кг-ыг өргөж хүрэл медаль, түлхэлттэй өргөлтөөр 116 кг-ыг өргөж, нийлбэр дүнгээр мөн хүрэл медаль хүртлээ.

Хүндийн өргөлтийн Ази тивийн аварга шалгаруулах тэмцээний 76 кг-д өнөөдөр Д.Дархижав өрсөлдөж, маргааш -87 кг-д гавьяат тамирчин М.Анхцэцэг тэмцээндээ өрсөлдөнө.