Их Британийн хатан хаан II Элизавета өчигдөр буюу пүрэв гарагт Шотланд дахь Балморал шилтгээндээ таалал төгсчээ. Хатан хааны бие чилээрхэж эхэлсэн тул хааны гэр бүл Балморал шилтгээнд цуглаад байсан бөгөөд хатан хаан ийнхүү 96 насандаа таалал төгссөн байна.
Хааны гэр бүлээс твиттер хаягаараа дамжуулан ууган хүү хунтайж Чарльз хаан сэнтийг залгамжилна гэдгээ мэдэгдсэн байна. Хунтайж Чарльз ээж минь таалал болсон нь надад, миний гэр бүлд хамгаас гунигтай мөч төдийгүй, Англи улс төдийгүй дэлхийн олон хүмүүс чин зүрхнээсээ гунигтай хүлээж авна биз ээ хэмээн хэлжээ.
Хатан хаан 1952 онд хаан сэнтийд заларсан бөгөөд Их Британийн түүхэнд хамгийн удаан буюу 70 жил хаан төрийг залагмжилсан юм.
Түүний хүү хаан III Чарльз мэдэгдэхдээ, “Хайрт ээж минь таалал төгссөн нь надад төдийгүй гэр бүлийн минь хувьд “туйлын гунигтай мөч” болоод зогсохгүй дэлхий дахин гүнээ эмгэнэн гашуудах үйл явдал боллоо хэмээжээ.