МХЕГ-аас усны чанар аюулгүй байдалд хяналт тавьж ажилладаг. Тэгвэл 2021 онд явуулсан судалгаагаар нийслэлийн усан дахь нянгийн бохирдол буурсан үзүүлэлт гарчээ. Тодруулбал, 2011 онд усны нийт бохирдлын сорьцын 16-17 хувийг нянгийн бохирдол эзэлдэг байсан бол 2021 онд энэ тоо 3,6 хувьд хүрч буурчээ.
Нийслэлийн усанд нянгийн бохирдол буурсан гол шалтгаан нь 2014 оноос эхлэн УСУГ-аас усны аюулгүй байдлын төлөвлөгөөг боловсруулан ажилласны үр дүн гэж мэргэжлийн хүмүүс үзэж байна. Мөн ус бохирддог эгзэгтэй цэгүүдэд эрүүл ахуйн дадлыг хэвшүүлэхээс гадна дотоодын хяналт сайжирсан нь сайн нөлөө үзүүлсэн гэж МХЕГ-ын Эрүүл ахуй, халдвар, хамгааллын улсын ахлах байцаагч Б.Баясгалан хэлэв.
