БНАСАУ-ын зэвсэгт хүчин үүсэн байгуулагдсаны 90 жилийн ойд зориулсан парад даваа гарагийн орой болж энэ үеэр хойд Солонгосын удирдагч Ким Жон Ун цөмийн зэвсгийн нөөцөө нэмэгдүүлнэ, улс орныхоо цөмийн чадавхийг боломжтой хамгийн хурднаар нь хөгжүүлнэ хэмээн мэдэгджээ. Парадын үеэр хэт авианы пуужингаас гадна шумбагч онгоцоор харвах баллистик пуужингууд, тив хоорондын баллистик пуужингуудаа ч (ICBM) үзүүлсэн байна.
Өнгөрөгч гуравдугаар сард Хойд Солонгос 2017 оноос хойш анх удаа хамгийн томд тооцогдох тив хоорондын баллистик пуужинг /ICBM/ туршсан нь олон улсад ихээхэн шүүмжлэл дагуулсан.
Уг туршилтын дараа АНУ тус улсын эсрэг хэд хэдэн хориг арга хэмжээ авсан билээ.