БНХАУ-д суралцаж байсан гадаад оюутнууд хэзээ сургуульдаа очиж, танхимаар суралцах боломж бүрдэх вэ гэдгийг сонирхож буй. БНХАУ-ын ГХЯ-ны хэвлэлийн төлөөлөгч Жао Лижянь тухайн асуудлаар сэтгүүлчийн сонирхсон асуултад хариулжээ.
Тэрбээр “Хятадын засгийн газар гадаад оюутнуудаа буцааж авчран, танхимаар сургах асуудалд анхаарлаа хандуулж ерөнхий төлөвлөгөө боловсруулж байна. Бид халдвар хамгааллын ажлыг сайтар баталгаажуулсны үндсэн дээр эрүүл, аюулгүй, эмх цэгцтэй олон улсын харилцааны дэглэмийг бий болгохын төлөө хичээж байна” гэжээ. Үүнээс харахад БНХАУ гадаад оюутнуудаа хүлээж авах талаар идэвхтэй ажиллаж, бэлтгэл ажлыг хангаж байгаа ажээ.
