Дэлхийн хэмжээний гоо бүсгүй шалгаруулах “Мисс Ворлд” тэмцээн нь 70 жилийн түүхтэй бөгөөд улс орон болгон хамгийн туршлагатай, хамгийн үзэсгэлэнтэй гэсэн зарчмаар нүсэр тэмцээн зохион байгуулж үндэсний ялагчаа тодруулдаг. Гэтэл Монгол Улс яаж шалгаруулдаг вэ?
Манай улсын төлөөлөл 2005 оноос хойш “Мисс Ворлд” тэмцээнд оролцож ирсэн бөгөөд сүүлийн жилүүдэд “Макс” группын ерөнхийлөгч Д.Ганбаатарын эхнэр болох Д.Уяангалянхуа Монголын үндэсний ялагчийг тодруулж байгаа аж. Үүнээс болоод олон хүн нэг хүний үзэмжээр шийддэг шалгаруулалтад гомдолтой явах болжээ.
Маш явцуу хүрээнд “титэм зүүсэн” нэр зүүлгэж, аанай л ашиг сонирхлын зөрчил гаргасаар. Уг тэмцээнд мөнгөтэй хүн явдаг уу, аль эсвэл Д.Уянгалянхуагийн ойр тойрны хүмүүс явдаг уу гэдэгт хариулт нэхэх хүн олон. “Макс групп”-ын тэргүүн хатагтай Д.Уянгалянхуа олон оролцогчийн чөлөөт өрсөлдөөнийг хааж, тэдний эрхийг зөрчиж байгаа юу?
