Ашигт малтмал, газрын тосны газраас /АМГТГ/ АИ92 шатахууны нөөц хангалттай байгаа учраас аж ахуй нэгжүүд үнэ нэмэхгүй гэдэг мэдэгдлийг есдүгээр сарын 14-нд өгсөн. Гэтэл өнөөдөр /2021.9.17/ АИ95 автобензиний үнэ литр тутамдаа 100 төгрөгөөр нэмэгдэж 2550-2650 төгрөг боллоо.
“Петровис” шатахуун түгээх станцад АИ95 шатахууныг 2550 төгрөгөөр борлуулж байсан бол өнөөдөр 2650 төгрөг, “Сод Монгол”, “Шунхлай” зэрэг шатахуун түгээх газруудад 2450 төгрөг байсан АИ95 шатахууныг өнөөдөр 2550 төгрөгөөр худалдаж байна.
АМГТГ-ын Газрын тосны асуудал хариуцсан орлогч дарга Ц.Эрдэнэбаяр өнгөрсөн 7 хоногт шатахууны үнийг 100 төгрөгөөр буулгана гэж хэлсэн. гэтэл эсрэгээрээ 100 төгрөгөөр үнэ нэмэгдлээ.
