Нийгмийн сүлжээг идэвхтэй ашиглагч “20К” клубийн залуус өчигдөр нохойн асрамжийн газарт хагас тонн мах хандивлахаар болжээ. Энэ талаар тус клубын цахим хуудаст “20К клубын хамт олон нохойн асрамжийн газарт хагас тонн мах бэлэглэлээ. Мөн “UB Shelter” асрамжийн газар очсон хүн тус бүр нэг нохойд үүр барих мөнгө хандивлалаа. Нийт 80 гаруй нохойтой юм байна. Амьтад ч бидний адил хайрлагдах эрхтэй” хэмээн бичжээ.
Жиргээнд эхний сууриа тавьсан “20К” клуб фэйсбүүк, инстаграм, Тиктокоос бүл нэмж нийт 250 орчим гишүүнтэй, нийгмийн сүлжээг эерэг манлайлалд уриалах зорилготой юм.
