УОК хуралдаж зарим шийдвэр гаргасан талаар мэдээлэл өглөө. УОК-ын Нарийн бичгийн дарга Т.Баярхүү “Үйл ажиллагааг нь долоо хоногоор хязгаарлаад байсан хоол үйлдвэрлэл, үйлчилгээний газар буюу бүх төрлийн ресторан, кофе шопыг заалаар үйлчлэхийг хязгаарласан хугацааг цаашид дахин 10 хоногоор сунгах шийдвэр гаргалаа. Ингэснээр хоолны захиалгын болон хүргэлтийн үйлчилгээ хийгдэнэ.
Хөл хорио тогтоох асуудлыг Эрүүл мэндийн яамнаас хэлэлцүүлээгүй. Тодорхой хүрээнд хязгаарлалт тогтоох санал гаргасан. Халдварын тархалт нэмэгдэх хандлагатай байгаа тул энэ сарын 25-наас эхлэн бялдаржуулах төв, саун бассейн, фитнессийн үйл ажиллагааг 10 хоног хязгаарлалаа. Мөн хоол үйлдвэрлэл үйлчилгээ хүргэлтээр ажиллах хязгаарлалтын үйл ажиллагааг 10 хоногоор сунгалаа гэв.
УОК-оос хатуу хөл хориог дахин 60 хоногоор тогтоох гэж байгаа талаар цуу яриа нийгмийн сүлжээнд тархаад байсан юм. Харин УОК энэ талаар хэлэлцээгүй гэж мэлзэв. Юутай ч эцсийн шийдвэрийг Засгийн газар гаргана.
