Хүүхдийн төв номын сангийн барилга барих газрын асуудлыг шийдэж, 1.1 га газрыг олгожээ. Одоогоор төслийн явц 10 хувьтай байгаа бөгөөд 8000 м талбай бүхий 16 уншлагын танхим, 400 уншигчийн суудалтай номын сангийн барилга угсралтын ажлыг Хүүхдийн төлөө фондод цугласан хөрөнгөөр ирэх тавдугаар сард эхлүүлэхээр болсон байна.
Мөн Хүүхэлдэйн театрын барилга барих газрын захирамж гарсан ба Их, бага хоёр танхим бүхий тус театрын барилга угсралтын ажлыг мөн Хүүхдийн төлөө фондод цугласан хөрөнгөөр ирэх тавдугаар сард эхлүүлэх аж.
