Ардчилсан намын Дотоод сонгуулийн хорооноос намын даргын сунгааны тов, зохион байгуулалттай холбоотой асуудлаар мэдээлэл хийлээ.
АН-ын даргын сунгаанд өрсөлдөх нэр дэвшигчдийн бүртгэл гуравдугаар сарын 4-5-нд явагдана. Гуравдугаар сарын 12-ноос гуравдугаар сарын 26-ний хооронд намын даргын сунгааны сурталчилгаа хийнэ. Гуравдугаар сарын 28-ны өдөр санал хураалт явуулахаар төлөвлөжээ.
Одоогийн мөрдөж буй дүрмээрээ намын даргаа тодруулах бөгөөд дүрэмд заасан шалгууруудын дагуу бүртгэж, тоонд хязгаар тавихгүй юм байна.
Нэр дэвшигчид сурталчилгаагаа зөвхөн хэвлэл мэдээлээр явуулна. Өөрөөр хэлбэл, аймаг орон нутагт очиж намын гишүүдтэй уулзалт цуглаан хийхгүй. Энэ сунгаанд АН-д бүртгэлтэй 200 мянган гишүүн саналаа цахимаар өгнө.
