Ерөнхийлөгч Х.Баттулга төмөр замын мөнгө угаасан хэрэгтэй холбогдож Улсын мөрдөн байцаах газраас шалгагдаж явсан. Тэгтэл энэ хэрэгт холбоотой хүний нэг болох хуульч Ж.Майзориг нь эдүгээ Нью-Йоркийн шүүхэд Сү.Батболдтой холбоотой гүтгэлэг, материалыг хуулийн фирмд бүрдүүлж өгсөн хүн болж таарав.
2013 онд Х.Баттулга сайд байхдаа “Монголын төмөр зам” ТӨХК-ийн ТУЗ-ийн дарга Б.Батзаяа нарт давуу эрх олгон “Самсунг СТ” компанитай эрх шилжүүлэх гэрээ байгуулан тендэргүй сонгон шалгаруулалт хийж, мөнгө угаасан гэх үндэслэлээр шалгагдаж явсан нь бий. Тухайн үед 2013 оны 5-р сарын 1-нд Монголын төмөр зам ТӨХК хуулийн зөвлөх үйлчилгээний гэрээг нэр бүхий хоёр компанийн түншлэлтэй байгуулсан байдаг.
Гэрээг 4.5 сая ам.доллараар байгуулахаар тогтсон ч санхүүжилт олгохдоо 6.1 сая ам.доллар шилжүүлсэн. “МТЗ” ТӨХК-тай гэрээ байгуулсан хуулийн компанийн захирал нь Эрүүл мэндийн сайд асан МАХН-ын Н.Удвалын хүү Ж.Майзориг байв. Тэр Нью-Йоркийн шүүх рүү Сү.Батболд нарын хүмүүсийн талаар материал бүрдүүлэн олон улсад нэр хүндтэй “Кинг энд Спалдинг” хуулийн фирм рүү явуулсан нь энэ бүх гүтгэлгийн ард арай Женко Х.Баттулга байгаа юм биш биз гэсэн хардлагыг шууд төрүүлж байна.
