Засгийн газрын ээлжит бус хуралдаан яг одоо үргэлжилж байна. Энэ удаагийн хуралдаанаар хөл хориог 14 хоногоор сунгах асуудлыг хэлэлцэж шийдвэр гаргана гэж эх сурвалжууд өгүүллээ. Улсын онцгой комисс энэ асуудлыг хэлэлцээд дэмжсэн санал оруулжээ.
“ДЭМБ болон вирус судлалын эрдэмтдийн зөвлөлөөс ирүүүлсэн хөл хориог 14 хоног сунгах саналыг хэлэлцүүлж байна” гэж УОК-ын хэвлэлийн төлөөлөгч Ц.Ганзориг мэдээллээ. Эрүүл мэндийн яам болон Эрдэмтдийн зөвлөлөөс одоо явагдаж буй тандалт судалгааны ажлыг дуусгах, цаашид тохиолдлын дам халдваруудыг тогтоох, шинжилгээнд хамруулах ажлуудыг өргөн хүрээнд хийх шаардлагатай учир хөл хориог 14 хоног сунгах саналаа хүргүүлээд байгаа юм.
