ХӨСҮТ-ийн ерөнхий захирал Д.Нямхүүгийн мэдээллийг хүргэж байна.
Тэрбээр, Аравдугаар сарын 12, 13-нд 1352 хүнд шинжилгээ хийхэд 1350 хүнд коронавирусийн халдвар илрээгүй. Харин 10-р сарын 10-нд Токио-УБ-ын онгоцоор ирсэн 30 настай эрэгтэй, 20 настай эмэгтэйгээс коронавирус илэрлээ. Ингээд Токио-УБ-ын онгоцоор ирсэн 4 хүнээс вирус илэрлээ.
9-р сарын 9-нд оношлогдсон ОХУ-ын иргэн 53 настай жолооч эдгэрч, сувиллын тусгаарлалтад гарлаа. Монголд 320 тохиолдол батлагдсанаас 311 нь эдгэрлээ. Өнөө өглөө 04.00 цагт тусгаарлах байранд байсан нэг эмэгтэй ХӨСҮТ-д ирж амаржиж, 2.8 кг хүү төрүүллээ.
Засгийн газар энэ жил 509500 хүн тун вакцин захиалан авч, 10-р сарын 1-нээс дархлаажуулалт эхэлсэн. Вакцинд хамрагдсан байдал 317 мянга гаруй вакцин хийсэн буюу 63.7 хувьтай байна.
Манай улс Солонгос, Бразил улсад үйлдвэрлэсэн ДЭМБ-ын баталгаатай вакциныг захиалан оруулж ирсэн. Гэтэл “Вакцин хийснээс хойш хүүхэд суулгаж, бөөлжиж өвдөж байна. Вакцин хийлгэсэн хүүхэд эмнэлэгт олноороо ирж байна” гэж ташаа мэдээлж байна. Вакцин хийлгэснээс хойш 14-21 хоногт дархлаа тогтдог. Вакцины хүндрэлээс үүдсэн тохиолдол эмнэлэгт нэг ч бүртгэгдээгүй. Харин томуугийн ротовирусийн хүндрэлээс болж суулгах, бөөлжих шинж тэмдэг илэрсэн хүүхэд эмнэлгүүдэд ирж байна гэлээ.
