Японы Хууль зүйн сайдаар ажиллаж байсан Кацуюуки Кавай болон түүний эхнэр Японы парламентын гишүүн, хуульч Анри Кавай нар Сонгуулийн хуулийг зөрчиж, санал худалдан авах зорилгоор мөнгө тараасан хэргээр өнөөдөр баривчлагджээ. Токиогийн прокурорын газраас мэдэгдсэнээр Кацуюуки Кавай 90 хүнд нийт 24 сая иен, эхнэр Анри нь таван хүнд 1,7 сая иен буюу 15900 ам доллар өнгөрсөн онд болсон сонгуулийн үеэр өгч ялалт байгуулсан гэж буруутгаж байгаа аж.
Кацуюуки Кавай нь хууль зүйн сайдаар ажиллахаасаа өмнө Ерөнхий сайд Шинзо Абэгийн гадаад бодлогын зөвлөх байсан бөгөөд Абэтэй ойр харилцаатай байжээ.
