Эрүүл мэндийн яамнаас ээлжит мэдээллээ өглөө. Энэ үеэр ХӨСҮТ-ийн захирал Д.Нямхүү:
-Улсын хэмжээнд ажиллаж байгаа 5 лабораторид 307 шинжилгээ өчигдрийн байдлаар хийсэн.
Дорнод аймагт тандалтын шугамаар зургаан хүнд шинжилгээ хийхэд коронавирус илрээгүй.
Дархан-Уул аймгийн лабораторид 26 жолоочоос шинжилгээ авахад коронавирус илрээгүй.Харин тусгай үүргийн Франкфэртын нислэгээр ирсэн нэг иргэний баталгаажуулах шинжилгээнд коронавирус илэрснээр манай улсад бүртгэгдсэн тохиолдол 41 боллоо. Одоогоор 10 гаруй эдгэрч, 28 хүн эмчилгээнд байна.
ХӨСҮТ-д эмчлүүлж байсан бас нэгэн гадаадын иргэн эдгэрч эмнэлгээс гарснаар тус эмнэлэгт эмчлүүлж байсан гадаадын бүх иргэн эдгэж гарлаа.
Лабораторийн хүчин чадал улсын хэмжээнд зургаа байгаа. Хэрэв ачаалал нэмэгдвэл ЭНЭМҮТ дээр ХӨСҮТ-тэй ижил хүчин чадалтай нэг лаборатори бэлэн байгаа гэв.
