Нийслэлийн Баянзүрх дүүргийн 26 дугаар хороо, “Нийслэл хүрээ өргөн чөлөө” буюу Үндэсний цэцэрлэгт хүрээлэнгийн хойд талын авто зам, Парк од хотхоны харалдаа явган хүний гүүрэн гарц барих барилгын ажлыг 2019 оны есдүгээр сарын 30-ны өдөр хийж эхлүүлсэн.
Он дамжин хэрэгжиж буй уг ажлын хүрээнд гүүрийн дам нуруу болон хөндлөн дам нуруу байрлуулж угсрах, зорчих хэсгийн лист байрлуулах ажлуудыг гүйцэтгэх тул тээврийн хэрэгслийн хөдөлгөөнийг 2020 оны дөрөвдүгээр сарын 8-16-ны өдрүүдэд 00:00-06:00 цагийн хооронд хязгаарлаж байгаа аж. Иймд жолооч нар хязгаарлалт хийх хугацаанд аюулгүй байдлыг ханган бусад замыг сонгон хөдөлгөөнд оролцоно уу.
