Улсын онцгой комиссоос тусгай үүргийн онгоцоор ирэх иргэдээ тусгаарлах байранд нэг нэгээр байрлуулахаар шийдэж үүнтэй холбоотойгоор дараа дараагийн тусгай үүргийн онгоцны нислэгийг хүлээлгээд байгаа.
Гэвч ингэж нэг нэгээр байрлуулахад орон байрны хүрэлцээ хүндрэлтэй байгаа бөгөөд одоогийн байдлаар 360 орчим өрөө бэлэн байгаа юм байна. Иймээс улсын онцгой комисоос өнөө өглөө томоохон зочид буудлуудын эзэдтэй уулзаж хамтран ажиллах, туслалцаа дэмжлэг үзүүлэхийг хүсчээ. Зочид буудлын эзэд 15 цагт тодорхой хариу өгөх юм байна. Гэхдээ Нийслэлийн Засаг даргын захирамж гаргаж зарим томоохон зочид буудлыг энэ ажилд дайчилна, үүнээс өөр аргагүй байгаа гэж УОК-оос мэдээллээ.
