Коронавирусын халдвартай хүмүүс эдгэрч эмнэлгээс гарах гэж байгаа талаар мэдээлэл зарим сайт болон нийгмийн сүлжээгээр гарсан.Тэгвэд Эрүүл мэндийн яам үүнтэй холбоотой залруулга хийжээ.
Мэдээлэлд:
-Коронавирусын халдвартай 10 хүний заримынх нь биеийн байдал дээрдэж буй талаар ХӨСҮТ мэдээлж байгаа. Гэтэл эмч, мэргэжилтнүүд үгээ хэлээгүй байхад эдгэрээд эмнэлгээс гарч буй мэт ташаа мэдээлэл сошиал орчинд түгээж байна. Эхний өвчтөн эмнэлгээс гарахад наад зах нь 10 хоног шаардагдах тухай ХӨСҮТ мэдээлсэн. Тиймээс эмч, мэргэжилтнүүддээ энэ мэт бодит бус мэдээллээр дарамт учруулахгүй байна уу. Бид ард иргэддээ мэдээллийг цаг тухайд нь шуурхай хүргэж байх болно гэжээ.
