Сөүл-УБ, Берлин-Улаанбаатарын тусгай үүргийн нисэх онгцорр ирсэн гурван хүний шинжилгээний хариу өнөөдөр оройн 20 цагт эерэг буюу коронавирусний халдвартай гэж гарчээ. Эдгээр хүмүүст шаардлагатай тусламж үйлчилгээг үзүүлж эхэлсэн байна. Мөн хавьтлуудыг нарийвчлан судалж байгаа ажээ.
Халдвар гарсан орнуудаас иргэдээ авчрахдаа эрсдэл байгаа гэж тооцоолсон тул иргэдийг нэг бүрчлэн тусгаарласан. Хүн амны дунд халдвар тархахаас урьдчилан сэргийлэх арга хэмжээг авсан гэж Эрүүл мэндийн яамнаас мэдээллээ. Францаас Берлинээр дамжин ирсэн иргэний бие хүнд байгаа бөгөөд шаардлагатай тусламж, арга хэмжээг авч байгаа юм байна.
Монгол Улсад Коронавирусний халдвар илрэх нь цаг хугацааны л асуудал байсан. Яамнаас шаардлагатай бүхий л арга хэмжээг цаг алдалгүй авч байгаа тул сандарч дархлаагаа унагалгүй тайван байхыг Эрүүл мэндийн яамнаас анхаарууллаа.
