Улсын онцгой комисс өнөөдрийн хуралдаанаараа тусгаарлах байрны нөхцөл байдал, цаашид авах арга хэмжээ, гадаада улс орнуудад амьдарч буй монголчуудын нөхцөл байдал, хот хоорондын зорчигч тээврийн хязгаарлалтын арга хэмжээг нээхтэй холбогдуулан авах арга хэмжээ, нүүрс, газрын тосны экспортыг эхлүүлэхтэй холбоотой арга хэмжээ зэргийг хэлэлцсэн.
Хот хоорондын зорчих хөдөлгөөнийг маргааш өглөө нээхээр төлөвлөөд байсан юм. Гэвч хойшлуулж ирэх мягмар гараг буюу гуравдугаар сарын 3-ны 06.00 цагт нээхээр болжээ. Хот хоорондын замыг нээснээр Улаанбаатар хот руу 40 гаруй мянган иргэн, 14 мянга орчим тээврийн хэрэгсэл орж ирнэ гэж цагдаагийн байгууллага тооцоолсон байна.
