“Шарк танк” нэвтрүүлгийн шүүгч, хөрөнгө оруулагч Барбара Коркоран интернэт луйварт өртөж 400 мянга орчим доллараа алджээ. Тодруулбал, луйварчин туслахынх нь дүр эсгэж түүнийг итгүүлээд и-мэйлээр 380 мянаг ам долларын нэхэмжлэх явуулсан байна. И-мэйлийг уншихад сэжиг төрүүлэх ямар ч зүйл байхгүй, бүгд үнэмшилтэй байсан гэж Барбара “People” сэтгүүлд ярьжээ. Гол нь тухайн и-мэйл түүний туслахынх биш байсан бөгөөд нэг үсгийн зөрүүтэй байсныг тэрээр анзаараагүй байна.
АНУ-ын Холбооны нууц товчооны мэдээлэлд дурдсанаар өнгөрсөн онд гэхэд АНУ-д 30 мянган хүн интернэт луйварт өртөж 50 сая ам. доллараа алдсан байна. Хамгийн итгэж болохуйц эх сурвалж үзүүлэн хувийн мэдээлэл, нэвтрэх нэр, нууц үг хулгайлах замаар энэ төрлийн гэмт хэрэг явагддаг тул ямар нэгэн линк дээр дарахдаа сэрэмжтэй байхыг мэргэжилтнүүд анхааруулсаар байна.
