Засгийн газрын хуралдаан өнөөдөр боллоо. Шинэ төрлийн коронавирүсийн халдварын нөхцөл байдал, цаашид хэрэгжүүлэх арга хэмжээний талаар шуурхай хэлэлцэв. Энэ үеэр Ерөнхий сайд У.Хүрэлсүх “Би Улсын онцгой комисс сайн ажиллаж байна гэж дүгнэж байгаа. Гэхдээ цаашдаа ч сайн ажиллах шаардлагатай. Нөхцөл байдал хүнд, түгшүүртэй байгаа энэ цаг үед засаглах цаг болсон. Иргэд ч үүргээ ухамсарлаж, төр, засгаас гаргаж буй шийдвэрүүдийг биелүүлэх шаардлагатай. Онцгой ийм нөхцөлд хаана, хорино, болохгүй бол шийтгэнэ. Улс орны аюулгүй байдал, нийгмийн эрүүл мэндийн төлөө ингэхээс өөр арга байхгүй” хэмээн хэллээ.
Ерөнхий сайд Япон улстай хийж буй нислэгийг 14 хоног цуцлах, Улаанбаатар хот болон орон нутгийн замын хөдөлгөөнийг хаасан шийдвэрийг 3-р сарын 2 хүртэл сунгах санал гаргав. Түүний саналыг Улсын онцгой комисс өнөөдрийн хуралдаанаараа хэлэлцээд шийдвэрээ гаргах юм. Төрийн байгууллагууд өндөржүүлсэн бэлэн байдалд шилжин ажиллаж буй. Хараа хяналтаа сулруулалгүй илүү хариуцлагатай ажиллахыг Засгийн газрын хуралдаанаас холбогдох байгууллага, албан тушаалтнуудад үүрэг болголоо. Засгийн газрын хуралдаанаас халдварт өвчнөөс сэргийлэх ажилд шаардагдаж буй 6.5 тэрбум төгрөгийн санхүүжилтийг шийдвэрлэжээ. Өмнө нь 4.2 тэрбум төгрөгийг баталж өгч байсан юм.
Зөв.Зочид буудлуудыг хаагаач давхар.Буудалаас согтуу хүмүүс гарч харагдах юм.Мөн архиа зарахыг
Бүтэн сараар хоригломоор байна