Сангийн сайд Ч.Хүрэлбаатар цаг үеийн асуудлаар зарим мэдээллийг өглөө. Тэрбээр ярихдаа “Татвар төлөх хугацааг хоёр сараар хойшлуулах хуулийн төсөл боловсруулан УИХ-д өргөн барих боллоо. Нүүрс, газрын тос экспортлохын тулд БНХАУ-ын талтай ойлголцох ёстой. Одоогийн байдлаар улсын төсвийн орлого 202.7 тэрбум төгрөгөөр тасалдаад байна. Хэрэв нөхцөл байдал энэ хэвээр байвал нэг их наяд төгрөгийн орлого дутна.
Төсвийн тодотгол хийх хэрэгтэй гэж зарим хүн байр сууриа илэрхийлж байна. Төсвийн тогтвортой байдлын тухай хууль гэж бий. Энэ хуульд ямар нөхцөлд төсөв тодотгох вэ гэдгийг тодорхой заасан. Одоогоор төсөв тодотгох шаардлага байхгүй. Харин сайд нар, төсвийн ерөнхийлөн захирагч нар өөр өөрийн багцдаа тохируулга хийх бүрэн бололцоо бий.
ААН-үүдийн зээлийн хүүг царцаах тухайд энэ бол Монголбанкны шийдэх асуудал. Арилжааны банкууд, ААН-үүдийн байгуулсан гэрээний дундуур Ч.Хүрэлбаатар орж болохгүй” гэв.
