Зургаан нас хүртэлх бага насны хүүхэд оройтож унтдаг хэвшилтэй байх нь хүүхдийг хэт таргалалттай болгодог гэдгийг судалгаагаар баталсан талаар Хүүхдийн өвчин судлалын сэтгүүлийн мягмар гарагийн дугаарт нийтэлжээ. Шведийн Каролинска институтийн Хүүхдийн өвчин судлалын профессор Клауд Маркусын хэлснээр Шведэд 107 хүүхдэд жилийн турш ажиглаж явуулсан судалгаагаар 21 цагаас хойш унтдаг хүүхдүүд бусдаасаа илүү бүдүүн гэдэстэй, жинтэй байжээ. Тодруулбал орой унтдаг 64 хүүхэд нь бусдаасаа хамаагүй илүү жинтэй байсан аж. Тиймээс эцэг эхчүүд хүүхдийнхээ нойр авах болон хооллоход анхаарч 21 цагаас өмнө тогтмол унтуулж сургахыг Клауд Маркус эмч зөвлөсөн байв. Хүүхэд байхад тогтсон илүүдэл жин хаягдахдаа удаан, ирээдүйн эрүүл мэндэд ч сөргөөр нөлөөлдөг ажээ.
2030 он гэхэд дэлхий даяар 250 сая хүүхэд илүүдэл жинтэй байна гэсэн ДЭМБ-ын тооцоо байдаг байна.
