8000 орчим монгол хүн амьдардаг Чикагод Консулын газар нээхээр ярьж эхэллээ

Засгийн газрын хуралдаанаар АНУ-ын Чикаго хотод Монгол Улсын Консулын газар нээн ажиллуулах тухай хэлэлцээд УИХ-ын холбогдох Байнгын хороотой зөвшилцөхөөр болжээ. Чикаго хот орчимд 8000 орчим монгол хүн амьдарч, ажиллаж, сурдаг гэсэн тооцоог гаргасан байна. Ажлын байрны олдоц сайн, амьжиргааны түвшин харьцангуй бага, байрны түрээс хямд, шинээр мэндэлсэн хүүхдийг даатгалд хамруулж, 16 нас хүртэл нь эмнэлгийн үйлчилгээ үзүүлдэг зэрэг халамжийн ээлтэй бодлоготой учир монголчууд ихээр суурьшдаг юм байна. Юутай ч 8000 орчим иргэндээ төрийн үйлчилгээг шуурхай хүргэх үүднээс Консулын газар нээн ажиллуулахаар төлөвлөжээ.