Нийтийн тээврийн үйлчилгээнд цахим төлбөрийн систем нэвтрээд таван жил болсон байна. Ойн хүрээнд нийтийн тээврийн зорчигчдоос азтан шалгаруулах урамшуулалт хөтөлбөрийг сар бүр зохион байгуулах талаар өнөөдөр “Улаанбаатар Смарт карт” компанийн Шинэ бизнес, төслийг дэмжих албаны дарга М.Мөнхболд, Харилцагч, үйл ажиллагааны газрын ахлах менежер Ц.Түвшинжаргал нар мэдээлэл хийлээ.
Урамшуулалт хөтөлбөрийг нийтийн тээврийн үйлчилгээний чанар хүртээмжийг сайжруулах, цахим картын хэрэглээг нэмэгдүүлэх зорилготой зохион байгуулж байгаа аж. Харилцагч, үйл ажиллагааны газрын ахлах менежер Ц.Түвшинжаргал “Автобусны картын ард 12 оронтой тоо байдаг. E баримттай төстэй байдлаар арын дугаараас нь эхэлж азтанг тодруулах болно. Жишээлбэл, картын дугаарын арын дөрвөн орон таарсан тохиолдолд сарын турш нийтийн тээврээр үнэгүй үйлчлүүлэх эрхтэй болох юм. Сүүлийн таван орон таарвал 500 мянган төгрөг, зургаан орон таарвал хоёр сая төгрөгийн шагналтай. Иргэд смарт картаараа нийтийн тээврээр сард 10-аас дээш удаа зорчсон байхад азтан болох боломжтой” гэв.
Урамшуулалт хөтөлбөр бүтэн жилийн хугацаанд хэрэгжих бөгөөд нэг сарын шагналын сан нь 10 сая төгрөг байх аж. Азтанууд сар бүрийн хоёр дахь долоо хоногийн лхагва гарагт тодорно. Хэрэв азтан шагналаа аваагүй тохиолдолд шагналыг дараа сарын тохирлын өдөр хүртэл хадгалах юм байна.
zugeer l shine abtobus nemj uilchilgeend ybuulbal yasiin. shagnah gd bga munguuruu!
Хөөрхий хүмүүсээр тоглочих юм даа.
Hzeenees ehleh ve? Battai yumuu
Явах цаг хоорондын зай хол хэтэрхий их хүнтэй их хүлээгддэг шүү. Карт цэнэглэлтийн газарт карт уншигч пос машинтай байлгамаар байдаг шүү дээ. Мөнгө дууссан гэнэ. Карт уншихгүй гэнэ ер нь бэлэн мөнгө гэхээсээ илүү карт ашигладаг зарим хүмүүст хүндрэлтэй байгааг анзаарч аваарай. Жолооч бэлэн мөнгө их авч байгаа зүйл их анзаарагдаг шүү хө
сугалаа энэ тэрээ больж үзээ. жолооч нараа бэлэн мөнгө авдагийг нь болиулах хэрэгтэй