БНХАУ-ын Хэйлонжиан мужийн Харбин хотноо жил бүр болдог цас, мөсөн урлалын фестивальд Монголын уран бүтээлчид амжилттай оролцон бүтээлээрээ тэргүүн байр эзэлжээ.
Фестиваль Харбин хотын “Sun Island International Snow Sculpture Art Expo park”-т энэ жил 25 дахь удаагаа болов. Энэ жилийн фестивальд дэлхийн 10 улсын 25 баг оролцсоноос Монгол уран бүтээлчид “Биднийг авраач” нэртэй байгаль орчны сэдэвтэй бүтээлээрээ түрүүлсэн байна. Манай багийн урласан хөшөөнд Австрали тивийн түймрийн хохирогч болж буй коала буюу уутат баавгайг дүрсэлсэн тухай хэвлэлүүд онцолжээ.
