Английн ханхүү Харри, түүний эхнэр Меган нар язгууртны гэр бүлийн дэмжлэггүйгээр бие дааж, Умард Америкт тусдаа амьдрах төлөвлөгөө гаргасан нь олон хүний нүдийг бүлтийлгэсэн. Тэгвэл Британийн язгууртнууд өчигдөр энэ талаар хуралдаж, хатан хаан Элизабет харригийн гэр бүлийг язгууртны гэр бүлээс өрх тусгаарлахыг нь зөвшөөрчээ.
Хуралд Харригийн аав ханхүү Чарльз, ах ханхүү Уилльям нар оролсон бөгөөд хатан хаан “Бид тэднийг язгууртны гэр бүлийн бүрэн эрхэт гишүүн байлгах хүсэлтэй ч бие дааж тусдаа амьдрах хүслийг нь хүндэлж байна. Гэхдээ тэд миний гэр бүлийн чухал хэсэг хэвээр байх болно” гэж хэлсэн байна.
Меган энэ хурал болох үед хүү Арчитайгаа Канададад байсан бөгөөд тэндээс утсаар холбогдон хуралд санаа бодлоо илэрхийлсэн байна.
